كنت طفلة عندها 7 سنين وقت أول محاولة تحرش ليا،
أو وقت أول محاولة تحرش أنا أدركتها.
كان من راجل كبير في السن
كنت على البحر،
وهو استغل إني كنت لوحدي وأهلي على الشط
فـ لمسني.

أول ما الجرس ضرب الولاد قفلوا الباب،
أنا كنت في الفصل الـلـي جنبهم
قفلوا الباب، وقفلوا الشبابيك كلها
وهجموا عليها، وقطعوا هدومها
وقعدوا يتحرشوا بيها بشكل فظيع.

مش فاكرة كان عندى كام سنة بالظبط، لكن كنت كبيرة كفاية إنى أفهم وأرد ... بس خفت أرد
كنت فى التاكسى لحوالى نص ساعة ما حصلش فيهم حاجة
لما قربنا على الشارع اللى كنت هـ نزل فيه السواق قالى "عايزاه من قدام ولا من ورا؟"

بعد اللي حصلي في ٢٠٠٢ ، فقدت الذاكرة المتعلقة بالحادثة دي لغاية ٢٠١٧
ازاي الإنسان ممكن يفقد ذاكرة شيء بشع زي ده؟
الإجابة هي إن دي واحدة من طرق العقل لانقاذ الضحية لتجاوز الصدمة، الذاكرة تسقط بالكامل

قالولي إنها لعبة.
إن كله بـ يلعبها وعايزين يشوفوا مين أشطر واحد.
كنت ساذجة أوى.
يوم ورا التانى بـ ندخل أوضة وكل واحد منهم يختار حد مننا ونروح و"نلعب".
يوم ورا التانى بـ نكتشف بعض فى اللعبة دي،
ويوم ورا يوم كنت بدخل الشقة متحمسة إننا نبدأ اللعبة.

إحنا قريبين من منطقة سوق الخضار
فـبـ شوف السوق و البنات الفلاحات جايين يبيعوا الجرجير كل يوم.
بنات صغيرين 16 أو 17 سنة
وبـ شوف الوساخة والقذارة اللى بـ يتعاملوا بيها الرجالة

كان ليا صديق أيام المرحلة الثانوية، وكنا بـ نتكلم،
والحوار اتطور لحاجة كنت فاكراها حب،
بس اكتشفت بعد كده إنه كان بـ يستغلني.
وبعدين علمني العادة السرية، وبقينا بـ نعملها مع بعض كل يوم،
ومرة كنا في درس، أخدني وروحنا عربيته، باسني من شفايفي french kiss،

الأسبوع اللي فات حصلت مشكلة مع طليقي واتهجم عليا فـالشارع
وكل ده عشان عرف إن انا وبنتي بـ نشتغل
قال: "لا ما تـشـتـغـلوش!"
ازاى ما نشتغلش وهو ما بـ يدفعش نفقة للعيال؟!
أختى الكبيرة هى اللي بـ تصرف علي البيت، وانا بـ تضايق لما بـ تعمل كده.
أنا قولت له هـ نشنغل ومالكش دعوة بينا.

مش هـ قدر أنسى شكل وشه بعد ما لمسنى من ورا وهو معدى بتوكتوك
وبـ يقولى بابتسامة "بالشفا إن شاء الله"
كان أول موقف تحرش باللمس أتعرض له وانا 15 سنة
وقتها اتصدمت وما كانش قدامى غير إنى أشتمه واكمل مشى عادى جدا

كان ممكن يبان لأي حد معدي إن ده مجرد واحد بـ يعبر عن حبه مش أكتر.
بس بعدين لاقيت إيديه بـ تـتحـسـس علي كل حتة في جسمي،
ما قاومتش.
إزاي أقدر أقاوم؟ أنا ما كنتش حاسة بنفسي ولا بإيدي.
فضلت مستنية الأسانسير يتحرك.
العنف المبني على النوع، العنف الجنسي، الاعتداء الجنسي على الأطفال