روحت وصليت، وبعد ما خلصت الصلاة كنا قريبين من الكورنيش
فـ قلت نطلع نقعد شوية، أو نتمشى
ما أجرمناش.
تلات ظباط واقفين قدامي
ما بيني وما بينهم كام سنتي
بدأوا يـ بحلقوا في صدري، ويـ قولوا كلام

كنت ماشية أنا واتنين أصحابى، وواحد فضل يمشى ورانا ويقولنا
"نفسى أنيكـك" واعمل، واسوى، والكلام اللى كل الناس عارفاه ده.

صاحبتى وقفت سبت له الدين، وكان ميكروباص معدى من جنبها راحت الناس بصتلها بقرف

إزاي أحكي قصة واحدة عن التحرش الـلـي مريت بيه
وانا كل يوم بـ عدِّى بأكتر من تلات أربع مواقف؟
أنا حياتي الاجتماعية كلها تحرش

راجعة من التمرين، ولابسة لبس الفريق بتاعي،
واتنين رجالة واقفين بـ يتأملونى في الشارع:
"ده واد ولا بت؟"
"دي بت يا ابني"

معايير الجمال، الشارع، التحرش، العنف المبني على النوع

كنت فى أتوبيس مجمع الكليات، وواقفة فى الأول جنب كرسى بتاع كبار السن ده. وكان فيه على الكرسى راجل عجوز وست كبيرة كانت قاعدة جنب الشباك،
لما حبت تنزل ما رضاش يتحرك نهائى وقال بزعيق "مالمكان واسع أهو"
نزلت متضررة

أنا من صغري بـ تعرض لكل حاجة سيئة،
أولها تنمر من زمايل ليا في المدرسة بسبب سماري وجسمي النحيل،
ومن المدرسين بعدها اللي ما كانوش بـ يختاروني في أي عرض أو نشاط بسبب شكلي برضه.
بس الحمد لله مع الوقت اكتسبت صحاب عوضوني شوية، لأ عوضوني كتير أوي.

كان عندي 14 سنة، ونازلة في الشارع عادي.
كان يوم خميس، والدنيا زحمة، وبالليل،
محدش واخد باله من حد.
كنت بـ عدي الشارع عادي،
واحد عدى من جنبي بموتوسيكل، ومد إيده على مؤخرتي.

ركبت المترو في عربية السيدات، ولاقيت كالعادة رجالة
أنا عادة بـ تخانق، بس يومها ما كـنـتـش قادرة، فـسِكِت
بعد شوية، بنت طلبت مني المساعدة عشان نـنزلهم
فروحت وقفت معاها وهي بـ تزعق لهم عشان ينزلوا
وبعدين فجأة، لاقيت نفسي بـ تضرب شلوطين في الهوا

في يوم وأنا ماشية بيها في العربية بتاعتها وفي شارعنا،
راح ولد لمسني من ورا،
فما قدرتش أسيبها، بس شوفته
وحفظت شكله، وعرفت هو بـ يبقى واقف فين.

أنا نفسي أبقى زي الست بتاعة الحارة
الـلـي بـ تقلع الشبشب، وتثبت 14 راجل في المترو
فـ يطلعوا يجروا.