رحت قريب إنترفيو وأنا لابسة فورمال
لاقيت اللي عملت لي الإنترفيو بتقول لي:
"المرة اللي جاية ظبطي شعرك"
قلت لها إني مش هـ فرده وإن شعري مالوش علاقة بالشغل اللي جاية أقدم عليه
كانت تجربة مهينة

من ساعة ما قصيت شعري الناس بـ تناديني بمارسيلو،
ما يتهيأليش إني انبسطت باسم دلع أكتر من ده قبل كده

شعري كيرلي، وانا صغيرة ماما كانت بـ تكويه كل 3 4 أيام،
ده كان صعب عليا كطفلة؛ أستحمل الحرارة، والشد ،
غير إني فعلًا اقتنعت إنه وحش.

وانا صغيرة كان شعري تقيل، وبـ كرهه من كتر ما بـ يوجعني
وما كنتش بـ عرف أسيبه خالص،
عكس أختي اللي شعرها كان حلو وناعم
وأنا عندي ١٥ سنة كده،
كنت في المصيف، ومسيباه وأنا طالعة من البحر
واحدة أجنبية وقـفـتـنـي، وسألـتـنـي: "أنتِ عاملة الكيرلي ده إزاي؟"

مفردات للشعر الكيرلي
"شعرك منكوش"
"زي الكلب الكانيش"
"زي راس العبد"
" زي الشراميط"
" زي أطفال الشوارع"

أنا بشرتي سمراء، وبحبها جدًا، ومن مصر، وأصلي نوبي، بس مش عايشة هناك.
بس عمري ما خلصت من تعليقات الناس في الشارع، أو المدرسة،
أو أي مكان بـ روحه،
زي: "شيكابالا"، "أعوذ بالله"، "هي مالها محروقة كده ليه؟"
العنصرية، التنمر، معايير الجمال، الجسم 

أنا مولودة بشعر مجعد طبيعي، وده وارثاه عن جدتي لأمي
باقي عيلتي كلها عندهم شعر ناعم وطويل
طبعًا أنا اتعرضت لمواقف كتير من السخرية والتجريح من الناس كلها
بس أكتر حاجة كانت بـ تـأثـر فيا الـلـي بـ تـطـلـع من أفراد عيلتي.

من وانا صغيرة، أمي كانت بـ تـتـعـمـد تسرح شعري وتـلمه جامد
عشان أسلم من تعليقات الناس عليه
فضلت كتير جدًا مش بـ نزل من البيت غير وشعري مفرود
وصل معايا الموضوع إني بـقـيـت بـ تكسف في المصيف
عشان مش هـ قدر أفرد شعري يوميًا بعد البحر

شعري أفريقي وأهلي لسه مش متقبلين إني أسيبه على طبيعته
بعد سنين من استخدام الكيماويات والفرد
المجتمع مش متقبل شكلي، وبـ سمع كومنتات من نوع:
"طب سـيـبـيـه زي ما هو من ورا، بس افردي القصة عشان شكل شعرك من قدام هايش"
مـحـدش قادر يفهم إن جزء من تصالحي مع شكلي هو إني أسيب شعري زي ما هو

ماما كانت دايمًا بـ تقولي: "أنا كنت بـ عيط عشان ما بـ تاكليش،
وكان وزنك 8 كيلو بس وأنتِ خمس سنين، وكنتي هـ تموتي".
من يوم ما بقى عمري 6 سنين وانا وزني بدأ يزيد، ويزيد، ويزيد.
التعليقات بدأت من البيت، من المجتمع، ومن المدرسة.
الجسم، معايير الجمال، التنمر، الصحة النفسية