أنا ما عنديش مشكلة مع حاجات كتير، أنا ليبرالي و منفتح.
بس الموقف ده عمري ما تخيلت إنه ممكن يحصل ليَّ، أو لأي حد أعرفه.
تنحت كده وقلت: "لأ لأ . مش قادر"، وجريت من الأوضة.

الجنسانية، الهوية الجندرية، الجنس

في العيلة عندي مش مقبول ولا مسموح إن البنت ما تبقاش بنت قبل الجواز
أنا مش عارفة العلاقة الكاملة بـ تحصل إزاي وخايفة منها
وحاسة إن الغشاء نفسه حابسني ومكتفني
هو ده بالنسبة لهم كل حاجة في البيت
لازم يفضل موجود

أنا كبرت عارف إن الشرف ده مسئولية البنت
انا كراجل ماليش دعوة بيه
عمر ما أمى جابت سيرة الكلمة دى معايا أنا أو أخويا
عمرها مثلا ما قالت لى: "حافظ علي شرفك"

كنا في أولى اعدادي، في مدرسة متشردة خالص اسمها عمر بن الخطاب
وحصل حادثة تحرش بمدرسة في فصل في سنة تالتة
والموضوع اتعرف
هي شافت الطلبة بـ يمارسوا العادة السرية جوا الفصل

فيه حاجات ما أعرفش أحكيها بسهولة لأي حد، لأن الناس بـ تحكم
أي حاجة ليها علاقة بجسم البنت، باحتياجات البنت، برغبات البنت
على طول يـ تقال: "إيه ده؟ دي صايعة، دي سافلة"

أنا مش من حقي أسألك حصل إيه قبل كده.
لكن مهم نتكلم في ده.
ومفيش حاجة اسمها عذرية البنت.
عذرية البنت زي عذرية الولد.

لما خرجت، كان فيه ستات كتير من أعمار مختلفة على السلم،
وفى كل حتة، ومتجمعين قدام أوضة كده.
أنا خوفت جدًا، بس ما كُـنـتـش فاهمة.
بعدين خرج راجل طويل، ومليان، وشايل أخت البنت الكبيرة دي،
وكانت مش لابسة بنطلون، وملفوفة بشاش كتير.

يوم منيل بستين نيلة، وعمري ما هـ نساه
لما اتصل بيا، الساعة كانت 7 الصبح -مش ميعاد حاجة تقلق يعني-
مش هـ طول عليكم، بدون مقدمات صوته اتقلب
وسألني: "أنتِ لابسة إيه؟"

العنف الجنسي، التحرش، الجنس

أنتِ مبسوطة؟
مبسوطة زى ما أهلك مبسطوين؟
بـ تحبيه؟
واثقة إنك هـ تفضلي تحبيه على طول؟
فيه حاجة اسمها إن حد يحب حد طول العمر؟
للأبد؟

الموضوع ما كانش عادي ولا تلقائي،

ما بين شخطة قريبتك المتحفظة لما بـ تعمل حاجة قبيحة، 

ووشوشة العيال صحابك عن لمسهم لمناطق من جسم الشغالات أو قرايبهم البنات،

هـ تعرف إن جسم الطرف الآخر فيه حاجة عيب، أكيد فيه حاجة عيب.

الضغوط الاجتماعية، الجنسانية، الجنس، الجسم، الذكورية