أنا كبرت عارف إن الشرف ده مسئولية البنت
انا كراجل ماليش دعوة بيه
عمر ما أمى جابت سيرة الكلمة دى معايا أنا أو أخويا
عمرها مثلا ما قالت لى: "حافظ علي شرفك"

طول عمري فاكرة إن أكيد البنت الفيرجين
شكلها مختلف عن البنت اللي مش فيرجين
وقعدت فترة أفكر هو إيه اللي ممكن يكون بـ يفرق؟
إزاي ده ممكن يخلى بنت أحسن أو أوحش؟

في العيلة عندي مش مقبول ولا مسموح إن البنت ما تبقاش بنت قبل الجواز
أنا مش عارفة العلاقة الكاملة بـ تحصل إزاي وخايفة منها
وحاسة إن الغشاء نفسه حابسني ومكتفني
هو ده بالنسبة لهم كل حاجة في البيت
لازم يفضل موجود

انتِ فيرجين؟"
ضحكت عليهم وقالت: "لأ أنا مش فيرجين"
عشان تخليهم يواقفوا يجوزوها واحد تعرفه
مش بـ تحبه لكنه صديقها وفاهم ظروفها
وعايز يساعدها تسيب بيت أهلها

كانوا خطين من أول هنا لحد هنا
ومع الوقت قعدوا يقربوا، يقربوا، يقربوا... لحد ما تقريبًا اتمسحوا
ما كانش صعب إني أتنازل عن حدودي الأولانية لأنها لعبة
أول ما بـ تدخل فيها، بـ تحس إن حاجة بـ تجيب اللي وراها

العذرية، الجسم، الجنس

أنا مش من حقي أسألك حصل إيه قبل كده.
لكن مهم نتكلم في ده.
ومفيش حاجة اسمها عذرية البنت.
عذرية البنت زي عذرية الولد.

أنا مش ست، صح؟ مش أنا كده ما بقيتش ست؟
إزاي أكون ست وأنا من غير بطانيتي كل شهر؟
حاجة صغيرة وراحت، بس راح معاها دم كتير
وراحت معاها علبة أسراري، أحط أسراري فين دلوقتي؟

وأنا صغيرة ماما قالت لي إن الحتة العيب اللي عند البنت اسمها العلبة اللولي
واللي بـ يفتحها العريس
لما كبرت شوية وأخدنا درس التكاثر
رحت سألت ماما

حاجة ما تتصدقش صح؟
إن يبقى فيه راجل قد كده معطاء
إنك يبقى معاكى راجل يحبك، ويبوسك، ويحضنك، ويدلعك، من غير ما ياخد منك حاجة.

العذرية، الزواج، الجنسانية، الجنس، العلاقات العاطفية

أي واحدة فى الدنيا ربنا بـ يبقى خالقها بحاجة، جوزها بس هو الـلـي بـ ياخدها
أنتِ من يوم ما اتولدتي، وربنا كاتب لك إنك هـ تتجوزي
الحاجة دي بقى الـلـي عندك، هو هـ ياخدها النهارده