لم أكن يومًا إلا فتاة بسيطة، تهوى القراءة والفرار من الواقع عبرها
حتى قابلت هذا الشاب الذي يجيد التحدث جيدًا، وإبهار الجميع
كان يعلم كيف يجذب مَن أمامه بالرغم من كونه ليس بالشاب الوسيم
لتبدأ قصتي معه.

أبويا كان بـ يموتني من الضرب من وانا صغيرة، ولحد سني ده
أخويا استقوى عليا منه، وبقى يـ موتني من الضرب بسبب تافه، أو من غير أي سبب

حتى إنها كانت بـ تنام في حضني وانا عندي مدرسة تاني يوم الصبح بدري،
وكل شوية كنت أصحى على عياطها أحاول أسكتها
أو أدخلها غرفة أمي اللي كان ممنوع ينام فيها أطفال علشان بابا بـ يزهق من زنهم
وكنت أفضل مستنية لحد ما ماما ترضعها علشان تكمل نوم جنبي

خـلِّـفـت أول طفل ليا
 كنت بـ سمع عن اكتئاب بعد الولادة
بس كنت بـ فتكره بـ يـيـجي عشان شكل الجسم بـ يـتـغـيـر
بس لما عشت التجربة، عرفت إنه أسبابه أكبر من كده بكتير
حسيت إني في مرحلة مقابلة الوحش المستوى الأخير يعني.
الصحة النفسية، الأمومة، الاكتئاب، الوصمة

نوم طول الوقت، أو مفيش نوم لأيام
عياط وماليش نفس لحاجة، لأي حاجة، حتى النَفَس نفسه مش طايقاه
مش عارفة أشوف شغلي
مش طايقة أي حد
بـ اسقط في دراستي كتير، بـ اخسر صحابي
مش لاقية حد يفضل، وعندهم حق
أنا مش قادرة أفضل معايا.

أنا ما كـنـتـش أعرف إن ده اكتئاب، ولا حد كان يعرف.
شهر والتاني، وانا كل الـلـي أنا عايزاه أبـطَّـل عياط
طب أفهم إيه الـلـي بـ يحصل؟

عدى 6 شهور، وبـقـيـت كل الـلـي عايزاه إن الدنيا تخلص.
قررت أنتحر مرة واتنين ...

الموضوع بدأ من ست سنين، ست سنين بحالهم
كنت بحس إني تعبانة جدًا وماعنديش أي طاقة
وبعدين بدأت في 2012 أحس بوجع في ضهري ورجلي، وبدأت جلسات علاج طبيعي
في الجلسات دي، اكتشفت مع الدكتورة بتاعتي إن في مناطق كتير تانية في جسمي مشدودة جدًا ومتوترة
عملت شوية فحوصات وأشعة، واللي فاجئني إن تقنيًا يعني، ماكانش فيا أي حاجة

في حاجة بـ توجع
حاجة ضيَّعت إحساسي بكل حاجة
حتى أقرب الحاجات لقلبي بطَّلت أعملها
بقيت بـ عمل كل حاجة لأنها مفروضة عليا

أول مرة مد إيده عليا كنت لسه عارفة إني حامل يومها،
اتخانق معايا عشان كان صاحبه ومراته جايين يـ تعشوا معانا، وحمَّرت الممبار بعد البانيه.
جابني من شعري لحد البوتاجاز، وقالي إنه هـ يولع فيا عشان يخلص مني.
سِكِت عشان كنت حامل، واتصالحنا.

النوم صعب، الصحيان تاني يوم أصعب
"ليه؟ هو في إيه عشان كل ده؟"
"إيه الضغوط الـلـي عليكِ يعني؟"
"ماعرفش!"، دايما ده ردي.