جارتي
2016مرة عرفت إن جارتي الـلـي كانت بـ تلعب معانا على السلم هـ تتجوز،
كانت يمكن حوالي 16 سنة
قالت لي: "أنا عندي حاجة، وجوزي هـ ياخدها مني ويـ رميها بكره الصُبح. ماما قالت لي إن أنا مش هـ توجع".
درس التكاثر
2014محدش كان بـ يحضر لحد ما جه درس التكاثر
وفجأة لاقيت الفصل كومبليه، وناس من فصول تانية جت حضرت معانا
لدرجة إني اكتشفت إني في ولاد بـ يروحوا درس العلوم في كل الفصول.
أهم حاجة النضافة
2016
أهم حاجة النظافة
ريحتك تبقى حلوة، وقمصانك متظبطة
أنا هـ جي بكرة أبارك لك، عايزاكي ترفعي رأس أمك
هـ نيجي كلنا بكره نـ شوف.
أنا لسه مش فاهمة حاجة
2014أنا ما كنتش أعرف أي حاجة خالص عن البيريود
ولما سألت كل اللي اتقال لي عنها هو تعريفها القاموسي:
الدورة الشهرية هي عبارة عن تغيير فيسيولوجي
يحدث للفتاة أثناء فترة البلوغ وعندما لا يحدث تلقيح للبويضة،
ما فهمتش أي حاجة.
ماما ما كلمتنيش
2006وانا عمري 17 سنة، قررت ما أختلطش بالرجالة خالص،
ولا أتكلم معاهم
في ناس قالوا لي: "أنتِ بقيتي متزمتة"
وناس قالوا لي: "بارك الله فيكي"
وفي أصحاب كتير بطلوا يـ تكلموا معايا خالص،
لكن محدش قال لي أعمل إيه مع خطيبي؟
عن الدورة
2015
كان في مدرسة اسمها سهير أو سهام.
قفلت باب الفصل في حصة دين
وقالت كمية معلومات جبارة في ٣ دقائق وهي مكسوفة جدا.
بيخلص امتى
2014أنت عارف فيلم السكس بـ يخلص امتى؟
لما الراجل يـجـيـبـهـم
عند نهاية متعة الراجل
مدرسة الدين
2016ميستر خيري طلب مني أجي أقعد معاكم شوية ...
مين فيكم سأل الأستاذ خيري عن معنى الآية "وليحفظن فروجهن"؟؟
مين؟!
بصي يا بنتي
2014
يا بنتي ما احنا كلنا كنا بنات زيك
أنتِ فاكرة يعني إني ما كـنـتـش بنت زيك قبل ما أتجوز أبوكي؟
كلنا عدينا بنفس الحاجة،
بس كنا بـ نلعب رياضة، وناخد دُش ساقع
يعني كانوا بيعملوا إيه؟
2017كنا في أولى اعدادي، في مدرسة متشردة خالص اسمها عمر بن الخطاب
وحصل حادثة تحرش بمدرسة في فصل في سنة تالتة
والموضوع اتعرف
هي شافت الطلبة بـ يمارسوا العادة السرية جوا الفصل