"لما تيجي تقفي على المسرح افردي ضهرك كده وبُصي قدام في مستوى نظرك"
كل مرة بـ طلع على المسرح بـ حس إني بـ جر معايا تهمة… جسم!

الجسم

ستات اسطبل عنتر - عكس أغلب ستات المدينة -
دول كانوا حُرين في جسمهم

كانوا بـ يرقصوا بلدي في أي وقت، في أي مكان.

النسائية، الجسم

كنت دايماً بـ قول في نهاية كل جملة … "لما أخس"
هــ بقى نشيطة أكتر
لما أخس… هـ لفت انتباه الراجل اللي أنا عايزاه
لما أخس… هـ بقى أشطر في الشغل
لما أخس... هـ روح مناسبات اجتماعية أكتر
لما أخس... هـ مثل في أفلام ومسرحيات أكتر

معايير الجمال، الضغوط الاجتماعية، الجسم

أول ذاكرة عندي لشكلي كان يمكن وانا ٥ أو ٦ سنين… أو أقل.
كنت لابسة مايوه وواقفة على باب صالة الجمباز في النادي، ومش راضية أدخل، وأمي بتقول لي:
"هـ تبقي تخينة وفشلة انت حرة"

وصم الجسد، معايير الجمال، الجسم

أيوا حضرتك ليه ممنوع نعرض القصة؟
دي ما فيهاش أي كلام خارج
"الله! مش بـ تتكلمي عن علاقات جنسية قبل الجواز؟"

الجنس، الزواج، الوصمة الاجتماعية

قولت عليا بـ مثل إني ليبرالية
لكن في الحقيقة طلعت معقدة، ومتحفظة
زي أي بنت مصرية تانية.
قولت كده بس عشان ما كنتش عايزة أعمل حاجة
أنا مش حاساها، لمجرد إني أسكتك.

العلاقات العاطفية، التحرش، العنف المبني على النوع

جدتي كل مرة تـ شوفني، تمسك صباعي ده
وتسألني نفس السؤال: "هـ تفرحي قلبي أمتى؟"
"وهو قلبك مش فرحان؟"
"لأ"
"طب أفرحه إزاي؟"
"أشوفك في بيتك مع جوزك"
"طب وقلبي أنا؟"

الضغوط الاجتماعية، الزواج

أنا مش ست، صح؟ مش أنا كده ما بقيتش ست؟
إزاي أكون ست وأنا من غير بطانيتي كل شهر؟
حاجة صغيرة وراحت، بس راح معاها دم كتير
وراحت معاها علبة أسراري، أحط أسراري فين دلوقتي؟