راجعة من التمرين، ولابسة لبس الفريق بتاعي،
واتنين رجالة واقفين بـ يتأملونى في الشارع:
"ده واد ولا بت؟"
"دي بت يا ابني"

معايير الجمال، الشارع، التحرش، العنف المبني على النوع

قبل ميعاد مقابلتنا قال لي إنه مش بـ يخرج كتير فالأحسن أروحله.
ما ركزتش قلت مستحيل يعني تحصل حاجة تزعجني منه، ورحتله عادي.

كانت البنت من دول تبقى واقفة في الكُشك وهو زحمة
واقوم أنا رايح، لازق فيها من ورا
أكتر بنت عملت رد فعل، قامت ماشية من قدامي.

فى العيد كنت خارجة مع أختى وبنت خالى، هم أصغر منى فى ثانوى
كانت الدنيا زحمة عند رأس البر تحديدا …
كانوا ماشيين قدامى وانا وراهم عشان كنت خايفة حد يتعرضلـهـم
فجأة حسيت بحد لمسنى من ورا اتخضيت وكنت هـ عيط

النهارده ركبت أتوبيس، والبياع ده وهو طالع لف دراعه حوالين رقبتي زعَّـقـت فيه، وهددته بمحضر وهو كان بـ يـبـيـع.
بعدها دمي كان محروق، والناس بصت لي كأني مجنونة، ومحدش قام وعمل أي حاجة
التحرش، العنف المبني على النوع

كان في "رجلين‫"‬ واقفين معانا في العربية
وكل محطة نـ ترجاهم ينزلوا، يبجحوا، وما يتحركوش
وللأسف كل شوية رجالة أكتر تدخل، ويقولوا: "إشمعنى دول؟"
كان في كرسي فضي، فـ قعدت من التعب
بعد ما زهقت من الخناق معاهم
بعد ما قعدت بشوية راحت بنت تكلمهم
قام واحد منهم شاتمها، وقال لها "يا شرموطة"

كنت في فرح حد قريبنا
الفرح كان في حديقة على النيل، مكان مفتوح
وقتها كان عندي 10 سنين
كنت ماشية، وورايا مجموعة أطفال سنهم بالكتير أوي 8 سنين
حسيت بحاجة غريبة بـ تحصل لي من ورا،
ما كنتش فاهمة إيه بـ يحصل، وما اهتمتش.

أبويا كان أول شخص يلمسني،
كنت بـ قول مجرد خيالات،
كنت بـ قول بـ يهزر معايا إنه بـ يلمسني برجله من ورا،
وانا صغيرة كان يحاول يوريني أعضاؤه، يلمس صدري.…
من كام يوم واحنا قاعدين بـ ناكل،
كان قاعد على كرسي عالي ورايا، وشد الأندر بتاعي،

أول مرة واحد اتحرش بيا كنت فى تالتة ابتدائى ... أنا حتى مش فاكرة اللى حصل أوى، بس كنت عارفة إن فيه حاجة غلط حصلت ... الغريبة إنى كنت رايحة أشترى منه خضار، وكنت لابسة لبس المدرسة المبهدل؛ المريلة والقميص ...

“إيه الـلـي وداكي هناك؟”
لما بـ سمعها بـ حس إن هم مش شايفيني غير جسم لازم يتغطى.
وانا ماشية في الشارع بـ بقى حاسة إني عايزة أقطع جسمي
كده وكده
ودايمًا بـ ركز معاه، مش في السكة
باصة عليه.

الشارع، التحرش، العنف الجنسي، العنف المبني على النوع