كانت صاحبتي ماشية في النادي،
وولد كانت تعرفه بقالها كتير
قال لها: "تعالي أقول لك حاجة"
وجه، ولمسها، وضربها
والبنت قعدت تعيط.

كنت ماشية أنا واتنين صحابي،
بصيت ورايا لاقيت واحد بـ يعاكسنا من بعيد،
وأنا كنت واخدة بالي منه، لحد ما لاقيته جه جنبي،
وفضل يقول كلام قذر،
و"تـتجوزوني أنتوا التلاتة" دي استفزتني،
وروحت زعقت فيه جامد، وهزقته، وخاف، وطلع يجري.
التحرش؛ الشارع؛ الصداقة

ربنا أذن لي أصلي في حِجر إسماعيل
 وانا خارجة من حجر إسماعيل، الدنيا بـ تبقي زحمة جدا
 فجأة حسيت بإيد بـ تتمد من تحتي من ورا
 كل الـلـي عليا إني لفيت وفضلت أضرب بالبـنـيـات الـلـي ألاقيه ورايا، بصوَّت وأقول له: "مش قدام الحرم يا كافر"

وفي يوم كان معاهم صواريخ
ورموها على الست وهي بـ تكتب على السبورة
فـ اتخضت، واتدورت
راح اتنين تلاتة قاموا، قفلوا الباب، وقفلوا النور
وقفلوا الستاير بتاعة الفصل
وزنقوها في الركن الـلـي ورا الباب.

بطلت أروح المدرسة وقتها.
ما كنتش أعرف إيه يعنى التحرش، بس كان فيه قضية اغتصاب مشهورة على التليفزيون.
فكنت فاكراه اغتصبنى.
ولما استجمعت قوتى ونزلت الشارع كنت بـ تحامى فى الستات فى الشارع.

أول حادثة تحرش جسدي ليا كنت كبيرة
كنت ماشية بالليل، ورايحة أعدي الشارع عشان أركب مشروع واروح،
ولدين معديين من جنبي كانوا بـ يضحكوا مع بعض،
وما حسيتش إنه فيه خطر، أو مفروض أقلق منهم
في العادي ممكن أبعد شوية وأنا معدية من جنب ولاد،
بس لسبب ما آمنت لهم

كان عندي 14 سنة، ونازلة في الشارع عادي.
كان يوم خميس، والدنيا زحمة، وبالليل،
محدش واخد باله من حد.
كنت بـ عدي الشارع عادي،
واحد عدى من جنبي بموتوسيكل، ومد إيده على مؤخرتي.

كنت في المترو، والدنيا زحمة أوي
وكنت لسه في أولى ثانوي
واحد وقف ورايا، ولزق فيا جدًا
من كتر الارتباك ما فـتحـتـش بوقي.

يا حلمتي الكبيرة،
لماذا تفقدين إحساسك في السرير؟
ألا تتذكري أنك في الأساس مصدر بهجة؟
أنا لا أشعر بكِ
أنت غير متصلة بصدري كله
غير متصلة بقلبي
فككت الخيط الواصل به كي أتجنب الألم
وأنا الآن لا أشعر بالثقة أيضًا.

أول مرة أتعرض للتحرش كنت راجعة من المدرسة مع صاحباتى البنات فى آخر يوم فـالامتحانات
فاكرة اليوم ده كويس. فاكرة كمان كنت لابسة ايه، وفاكرة إننا كنا مبسوطين علشان أخدنا الأجازة.
وفجأة شخص راكب عجلة قرب منى ومسك صدرى ومشى.